अभिनेता सलोन बस्नेतको प्रस्तुति रहेको फिल्म 'रंगी' को दोस्रो गीत सार्वजनिक गरिएको छ।
सोमबार सार्वजनिक 'तिम्रै संसारमा' बोलको गीतमा भीम बिसी र रजज्ञा श्रेष्ठको स्वर छ।
भिडिओमा फिल्मका प्रमुख कलाकारहरू सलोन बस्नेत, नम्रता श्रेष्ठ, आयुषी ढकाल र सुमिन गुरुङको अभिनय छ। गीतले बाबु र छोरीको मायालाई चित्रण गरेको छ। गीतमा शिशिर खातीको कोरियोग्राफी छ।
गीतको शब्द तथा संगीत भीम बिसीको हो। एरेन्ज उदयराज पौडेलले गरेका हुन्।
सान्भी इन्टरटेनमेन्ट प्रालिको व्यानरमा निर्माण भएको फिल्म 'रंगी' सुरेश न्यौपानेले निर्देशन गरेका हुन्। सक्षम सुवेदी, करिश्मा केसी बस्नेत र अनिश गौतम निर्माता रहेको फिल्ममा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरूङ र विशाल पहारीको अभिनय छ।
फिल्म आगामी फागुन २ गतेबाट प्रदर्शनमा आउनेछ।
