२०७४ सालमा निर्माण भएको फिल्म 'मंगलम' को दोस्रो भाग बन्ने भएको छ।
आइतबार निर्माता छविराज ओझा र निर्देशक नवल नेपालबीच सम्झौता भएको हो। फिल्मलाई छविराज ओझा र दिजेन्द्र शाक्यले निर्माण गर्नेछन्।
निर्माता ओझाका अनुसार फिल्मका कलाकार तथा प्राविधिक केही समयपछि सार्वजनिक हुनेछन्।
छविराज प्रोडक्सन र गुण सिनेमा प्रालिको ब्यानरमा 'मंगलम २' निर्माण हुनेछ। नवलले यसअघि यो ब्यानरका दुई फिल्म 'लज्जा' र 'मंगलम' निर्देशन गरेका थिए। फिल्म 'मंगलम' को गीत 'पर्ख पर्ख मायालु' अहिले पनि उत्तिकै लोकप्रिय छ।
