फिल्म 'फेरि रेशम फिलिली' को पहिलो गीत रिलिज गरिएको छ।
मंगलबार सार्वजनिक 'ग्रीन कार्डैमा' मा डेभिड शंकरले स्वर दिएका छन्। गीतको शब्द रचना तथा संगीत दीपक शर्माको हो।
भिडिओमा फिल्मका मुख्य कलाकार विनय श्रेष्ठ फिचर्ड छन् भने साथमा थुप्रै कलाकारहरू देखिएका छन्।
अमेरिका जान लागेको पात्रको कथालाई गीतमा रमाइलो तरिकाले प्रस्तुत गरिएको छ।
सिनेमा आर्ट र वि मोसन पिक्चर्सको सहकार्यमा निर्माण ‘फेरि रेशम फिलिली’ का लेखक र निर्देशक निरोज महर्जन हुन्।
रौनक विक्रम कंडेल निर्माता रहेको फिल्मका कार्यकारी निर्माता सुरज विक्रम ठकुरी र सह–निर्मातामा एनि थापा छन्। यो फिल्मले गीत संगीतको माध्यमबाट दर्शकमाझ पुरानो ‘रेशम फिलिली’ को जस्तो प्रभाव छोड्ने विश्वास निर्माण टिमको छ।
फिल्ममा विनयसहित, सुपुष्पा भट्ट, नीर शाह, कामेश्वर चौरासिया, प्रकाश घिमिरे, शिशिर वाङ्गदेल, रविन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापा लगायतको अभिनय छ।
सुसन प्रजापतीको छायांकन, निर्देशक महर्जन र आकाश बरालको पटकथा रहेको फिल्ममा सुरेन्द्र पौडेलको सम्पादन छ।
फिल्म महाशिवरात्रीको अवसर पारेर फागुन १४ गतेबाट प्रदर्शनमा आउने तयारीमा छ। यसलाई गोविन्द शाहीको काफिया फिल्मस् र कुवेर सिने डिष्ट्रीव्युसनले वितरण गर्नेछन्।
