अभिनेता विराज भट्टले महंगो गाडी खरिद् गरेका छन्।
फिल्म '१२ गाउँ' सुपरहिट भएपछि विराजले ३ करोडभन्दा महंगो मूल्यमा गाडी किनेका हुन्।
शुक्रबार उनले 'ल्याण्ड क्रुजर २५०' मोडलको गाडी किनेका हुन्।
यो गाडी उनले आफ्ना छोरा समीरका लागि खरिद् गरेको बुझिएको छ।
गाडी किनेपछि शोरूमभित्रै विराजले केक काटेका थिए। जुन भिडिओ यतिबेला सामाजिक सञ्जालमा भाइरल भइरहेको छ।
विराज यतिबेला '१२ गाउँ २' निर्माणको तयारीमा छन्। समीर भने सन्तोष सेनको निर्देशनमा बनिरहेको फिल्म 'बलिदान' को छायांकनमा छन्।
गत दसैंमा रिलिज विराज निर्देशित तथा उनका बावुछोरा अभिनीत '१२ गाउँ' ले हलमा प्रदर्शनको ५१ औं दिन मनाएको थियो।
