हरर फ्यामिली ड्रामा 'ममी' को टिजर सार्वजनिक भएको छ।
आइतबार ओएसआर डिजिटल युट्युब च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा परिवारको प्रिय कुकुरको दुखद् निधन पश्चात छोरीले घरमा कालो बिरालो पाल्न थालेपछि सिलसिलेवार ढंगले परिवार निम्तिने काला विपत्तिको शृंखला र त्यसले विगठन उन्मुख हुन थालेको परिवारको कथा पेस गर्छ।
समर निरौला निर्देशित फिल्ममा प्रियंका कार्की, दीया मास्के, सुलक्षण भारती, समीप निरौला, घनश्याम जोशी, आयुषी ढकाल, जेभिस श्रेष्ठ, गीत विष्टलगायत कलाकारको अभिनय छ। यो समरको डेब्यू निर्देशन फिल्म हो।
सो ट्वान्टी फाइभको प्रस्तुतिमा निर्माण भएको फिल्ममा समर निरौला र पूर्णिमा जोशीको रहेको छ। फिल्मका निर्माता लोक राज जोशी तथा पूर्णिमा जोशी हुन् भने कार्यकारी निर्मातामा सुमन कोइराला रहेका छन्।
निशाल पौडेल र शरद महतोले छायांकन गरेको फिल्मलाई सुरेन महर्जनले सम्पादन गरेका हुन्।
यो फिल्म माघ २५ गतेदेखि प्रदर्शन हुनेछ।
