राजेश हमालको कमब्याक फिल्म 'नरसिंहाः अवतार' पनि नयाँ वर्षको अवसर पारेर प्रदर्शनमा आउने भएको छ। योसँगै नयाँ वर्षमा नेपाली फिल्मबीच त्रिपक्षीय प्रतिस्पर्धा हुने तय भएको छ।
यसअघि चैत २९ लाई 'कर्मा' र 'पिताम्बर' ले प्रदर्शन मिति घोषणा गरेकोमा 'नरसिंहाः अवतार' पनि सोही मितिमा आउने भएसँगै त्रिपक्षीय भिड्न्त तय भएको हो।
यी तीनवटै फिल्म एक्सन जनरामा निर्माण भएका हुन्।
सौरभ चौधरी निर्देशित 'कर्मा' मा विपिन कार्की, उपासना सिंह ठकुरी लगायतको शीर्ष अभिनय छ।
कृषा चौलागाईं निर्देशित 'पिताम्बर' मा प्रदीप खड्का, सौगात मल्ल, दयाहाङ राई, दिव्या रायमाझी, अनुपविक्रम शाही, सुरक्षा पन्त लगायतको अभिनय छ।
त्यस्तै, दिवाकर भट्टराई निर्देशित 'नरसिंहाः अवतार' अभिनेता राजेश हमालको कमब्याक फिल्म हो। यसमा राजेशका साथमा राज कटुवाल, नीति शाह, सनिषा भट्टराई, प्रशान्त ताम्राकार लगायत कलाकारहरूको शीर्ष अभिनय छ।
