अभिनेत्री नन्दिता केसी आमा बनेकी छन्।
अमेरिकामा बस्दै आएकी उनले पहिलो सन्तानका रूपमा बुधबार छोरालाई जन्म दिएकी हुन्।
नन्दिताले सामाजिक सञ्जालमार्फत आफू आमा बनेको जानकारी दिँदै खुसी साटेकी छन्।
उनले गत वर्ष डा. अरविन्द्र कटवालसँग विवाह गरेकी थिइन्।
नन्दिताको पोस्टमा उनलाई थुप्रै अभिनेत्रीहरूले बधाईं दिएका छन्।
फिल्म 'इन्द्रेणी' बाट डेब्यु गरेकी उनी एक समय निर्माताको रोजाइकी अभिनेत्री थिइन्।
उनले 'हामी तीन भाई', 'बाटो मुनीको फूल', 'भरोसा', 'त्रिशुल', 'मृगतृष्णा', 'सपना', 'युद्ध', 'निशाना' लगायतका फिल्ममा अभिनय गरेकी छन्।
उनको पछिल्लो फिल्म 'जंग बहादुरको कोट' सन २०१६ मा रिलिज भएको थियो।
