गत वर्षको व्यावसायिक सफल फिल्म 'परदेशी २' अब ओटिटी प्लेटफर्ममा रिलिज हुने भएको छ।
नारायण रायमाझी निर्देशित यो फिल्म सोमबारदेखि एमएसएम भिडिओ एपमा रिलिज हुने भएको हो।
निर्देशक रायमाझीले अब फिल्म उक्त प्लेटर्फमबाट संसारभरका दर्शकले हेर्न सक्ने बताएका छन्।
'परदेशी २' प्रकाश सपुतको डेब्यु फिल्म हो। फिल्ममा उनका साथमा केकी अधिकारी, वर्षा सिवाकोटी, प्रशान्त तामाङ, दीलिप रायमाझी, नीर शाह, रमा थपलिया लगायत कलाकारहरूको अभिनय छ।
गीतकार समेत रहेका रमेश बिजीको कथा रहेको फिल्मले युवापुस्तामा रहेको विदेश मोह, त्यसले परिवार र समाजमा पारेको प्रभावको कथा प्रस्तुत गरेको छ।
फिल्मको निर्माता राजेश वंशल र निर्देशक रायमाझी स्वयं हुन्।
फिल्मले हलमा ५१ दिन मनाएको थियो।
