मोडल तथा अभिनेत्री कविता नेपालीले संसारकै अग्लो शिखर सगरमाथा आरोहण गर्ने भएकी छन्।
यतिबेला उनी सगरमाथा आरोहणका लागि आवश्यक पूर्व तयारीमा छिन्। डान्सिङ रियालिटी शोको विजेता कविताले १ सय भन्दाबढी म्युजिक भिडिओ, केही वेब सिरिजमा काम गरेकी छन्।
उनले हालै आफ्नो पहिलो फिल्म 'एक्लो' को छायांकन सकेकी छन्। साइन्स फिक्सनमा आधारित फिल्म 'एक्लो' को छायांकनका लागि अपर मुस्ताङ पुग्दा सगरमाथा चढ्ने सोच पलाएको अभिनेत्री कविताले बताइन्।
सगरमाथा चढ्नुअघि अन्य हिमालहरू चढ्नु पर्ने र आवश्यक तालिम समेत लिनुपर्ने भएकोले उनी अहिले तयारीमा जुटेकी हुन्। अहिले सगरमाथा बेस क्याम्पमा तयारी गर्दै गरेकी छन्।
'सगरमाथा चढ्नु जोखिम काम हो अझै महिलाहरूका लागि झन जोखिम मानिन्छ' उनले भनिन्, 'जोखिम काम सफलता गरेर आफ्नो र देशको नाम राख्ने हो।'
