हास्य टेलिसिरियल 'गाह्रो छ हो' को सिजन २ प्रसारण हुने भएको छ।
सोमबार काठमाडौंमा एक कार्यक्रमकाबीच प्रोमो सार्वजनिक गर्दै सिजन २ को घोषणा गरिएको हो।
पहिलो सिजन २२८ भाग प्रसारणमा आएको सिरियलको आगामी सोमबारबाट दोस्रो सिजन आउन लागेको हो।
सिरियलका लेखक, निर्देशक तथा मुख्य कलाकार बेगम नेपालीले दर्शकको चाहना अनुरूप कलाकारहरूमा केही परिवर्तन र मेकिङमा पनि थप स्तरीय बनाउँदै दोस्रो सिजन ल्याउन लागिएको बताए।
एपिवान टेलिभिजनमा ८ बजे र भटभटे माइला युट्युब च्यानलमा ८ः३० बज प्रसारण हुनेछ। सिरियलमा बेगम नेपालीसहित शंकर आचार्य, बिनोद राई, कुलबहादुर अधिकारी, रेशम सापकोटा, दीया जीसी, आशा विश्वकर्मा, देवकुमार महर्जन, सुदर्शन खतिवडा, बेगम पुन मगर, सञ्जीव तामाङ लगायत कलाकारहरूको अभिनय रहनेछ।
आयोजित कार्यक्रममा शिवहरी पौडेल, शंकर आचार्य, कृष्ण शिवाकोटी, किशोर भण्डारी, लोकेन्द्र लेखक, सुरज चापागाईँ, मरिचमान श्रेष्ठ, सुबोध गौतम, दिनेश काफ्ले, सुरेश थापा लगायत कलाकारहरू 'गाह्रो छ हो' टीमलाई शुभकामना दिन पुगेका थिए।
