गायक तथा अभिनेता प्रकाश सपुतले आफू अभिनीत फिल्म 'पूर्ण बहादुरको सारंगी' को डबिङ गरेका छन्। आफ्नो फिल्म ‘वसन्त’ को बागलुङमा पहिलो चरणको सुटिङ सकेर काठमाडौं फर्किएका उनले सोमबार स्वरांकन (डबिङ) गरेका हुन्।
सरोज पौडेलको लेखन तथा निर्देशन रहेको ‘पूर्ण बहादुरको सारंगी’ तिहारको अवसर पारेर कात्तिक १५ गतेबाट प्रदर्शनमा आउँदैछ।
फिल्ममा विजय बराल, प्रकाश सपुत, मुकुन भुसाल, बुद्धि तामाङ लगायत कलाकारहरूको अभिनय छ।
'पूर्ण बहादुरको सारंगी' गन्धर्व समुदायको जीवन र सामाजिक समस्यालाई केन्द्रमा राखेर निर्माण गरिएको फिल्म हो।
सेभेन सिज र बाँसुरी फिल्मसको प्रस्तुति रहेको यो फिल्मको निर्माता विनोद पौडेल र प्याट्रिक सुवेदी हुन् भने कार्यकारी निर्माता रमेश चौलागाईं, हरि श्रेष्ठ र रमेश ढकाल छन्।
