फूलपातीदेखि प्रदर्शनमा आउने नेपाली फिल्मको बुकिङ खुला गरिएको छ। एकसाथ रिलिज हुन लागेका 'छक्का पञ्जा ५', '१२ गाउँ' र 'ज्वाइँ साब' को मल्टिप्लेक्स चेन क्युएफएक्सले अग्रिम बुकिङ खुला गरेको हो।
तीन फिल्ममध्ये क्युएफएक्समा 'छक्का पञ्जा ५' ले सबभन्दा धेरै शो पाएको छ।
देशकै सबभन्दा ठूलो मल्टिप्लेक्स चेनले दीपकराज गिरी र दीपाश्री निरौलाको यो फिल्मलाई प्रदर्शनको पहिलो दिनका लागि ८८ शो दिएको छ। काठमाडौंमा ३१ र बाहिर ५७ शो पाएको हो।
त्यस्तै, विराज भट्टका बाबु–छोराको '१२ गाउँ' लाई क्युएफएक्सले ४४ शो दिएको छ। काठमाडौंमा १८ र बाहिर २६ शो पाएको हो।
क्युएफएक्स चेनमा जितु नेपाल र नीति शाह अभिनीत 'ज्वाइँ साब' ले ३८ शो पाएको छ। काठमाडौंमा १८ र बाहिर २० शो पाएको हो।
आइएनआई, बिग मुभिज, वान सिनेमाज लगायतका मल्टिप्लेक्समा बुकिङ खुलाउने तयारी छ।
