सलोन सलिना फिल्सस्को प्रस्तुतीमा निर्माण भएको डकुड्रामा 'हामी छौं' सिजन १ को गीत 'यो नजिकको कुरा' सार्वजनिक भएको छ।
सोमबार काठमाडौंमा आयोजित कार्यक्रमकाबीच सार्वजनिक गीतमा प्रताप दास र रचना रिमालको स्वर छ। शम्भुजित बास्कोटाको संगीत रहेको गीतका शब्द आनन्द अधिकारीका हुन्।
भिडिओमा डकुड्रामाका प्रमुख कलाकार सलिना बस्नेत र आर्यन पौडेल फिचर्ड छन्। यात्रा थिममा खिचिएको गीतको भिडिओमा कलाकारलाई रोमान्टिक भावमा प्रस्तुत गरिएको छ। सँगै ग्रामीण जनजीवनलाई पनि देखाइएको छ। दृष्टिविहिनलाई सहयोग गरेको, खेतको रोपाईंलगायतका दृश्य यसको भिडिओमा समेटिएको छ।
डकुड्रामाको प्रस्तुतकर्ता शोभित बस्नेत हुन्। आउँदो दसैंमा ओटिटी प्लाटफर्मबाट रिलिज हुने डकुड्रामा ७ एपिसोडको हुने जनाइएको छ।
यसमा सलिना र आर्यनसँगै उमा कार्की, सुमिन गुरूङ, सुशान्त कुमार श्रेष्ठ, युना खड्का, समीर खान ,जय बिनोद काफ्ले, सुनिल भन्डारी, शिवराज नेपाल, स्वरूपजंग रायमाझी लगायतको अभिनय छ।
प्रस्तुतकर्ता शोभित बस्नेतले देशका विभिन्न क्षेत्रमा रहेका असहाय, पीडितको सहयोगार्थ डकुड्रामा बनाइएको बताए।
सुशील देवकोटाको लेखन रहेको डकुड्रामालाई रामजी राउतले निर्देशन गरेका हुन्। यसमा रामजी लामिछानेको कोरियोग्राफी, सौरभ लामाको छायांकन, बन्दे प्रसादको सम्पादन छ।
भिडिओ:
