कतारमा सम्पन्न २२ औं संस्करणको फिफा विश्वकप फुटबलमा अहिलेसम्मकै सर्वाधिक गोल भएको छ।
अर्जेन्टिना र फ्रान्सबीच भएको फाइनल खेलमा ६ गोल भएसँगै कतार विश्वकपमा अहिलेसम्मकै सर्वाधिक १७२ गोल भएको हो।
यसअघि सन् १९९८ तथा सन् २०१४ मा भएको विश्वकपमा समान १ सय ७१ गोल भएका थिए।
कतार विश्वकपमा फ्रान्सले सबैभन्दा बढी १६ गोल गर्दा विश्वविजेता अर्जेन्टिनाले १५ गोल गर्यो। यस्तै ५ खेलबाट इङ्ल्याण्डले १३ गोल गर्दा समान खेलबाट पोर्चुगलले १२ गोल गर्यो। नेदरल्याण्डले १० गोल गर्यो।
सहभाग ३२ राष्ट्रमध्ये सबै राष्ट्रले गोल गरेको खेलमा ५ वटा देश (बेल्जियम, डेनमार्क, कतार, ट्यूनिसिया र वेल्स) ले समान १-१ गरे।
यस्तै ३ देशले २ गोल गर्दा ४ वटा देशले ४ गोल गरेका छन्। ६ वटा देशले ५ गोल गर्दा दुई देशले ६, दुई देशले ८ र स्पेनले ९ गोल गरेको छ।
तथ्याङ्कमा कतार विश्वकप २०२२
एसियाली मुलुक कतारमा सम्पन्न २२ औं संस्करणको विश्वकप फुटबल आइतबारबाट सकिएको छ।
सहभागी ३२ टिमलाई ८ समूहमा विभाजन गरी खेलाइएको ४८ वटा खेलबाट १६ राष्ट्र नकआउट चरणमा प्रवेश गरे। १६ राष्ट्र समूह चरणबाटै बाहिरिए।
यो विश्वकपमा १७२ गोल भएका छन्। हरेक खेलमा औसतमा २.६९ गोल भएको छ।
विश्वकपमा लिगचरणको पहिलो २४ खेलबाट १२० गोल भएको छ।
जसमध्ये समूह ए बाट १५, बी बाट १६, सी बाट १२, डी बाट ११, ई बाट सबैभन्दा धेरै २२, एफ बाट ११, जी बाट १६ र एचबाट १७ गोल भएको छ।
२४ मध्ये ९ खेल बराबरीमा सकिँदा १५ खेलको स्पष्ट नतिजा निस्किएको छ।
यस्तै नकआउट चरणको ८ खेलबाट २८ गोल भएको छ। ८ खेलमध्ये २ खेलको नतिजा ट्राइब्रेकरबाट निस्किएको थियो।
क्वार्टरफाइनलको ४ खेलबाट १० गोल भएको छ। यसका दुई खेलको निर्णय पेनाल्टी सुटआउटबाट भएको थियो।
यस्तै सेमिफाइनलका २ खेलबाट ५ गोल हुँदा तेस्रो स्थानमा भएको खेलमा ३ गोल भयो। फाइनलमा ६ गोल भएको थियो। फाइनल खेलको नतिजा पनि ट्राइब्रेकरबाट लिइएको थियो।
हेर्नुहोस् कसले कति गोल गरे
| विश्वकप २०२२ (कतार) |
| क्र.सं. | देश | खेल | गोल संख्या |
| १ | फ्रान्स | ७ | १६ |
| २ | अर्जेन्टिना | ७ | १५ |
| ३ | इङ्गल्याण्ड | ५ | १३ |
| ४ | पोर्चुगल | ५ | १२ |
| ५ | नेदरल्याण्ड | ५ | १० |
| ६ | स्पेन | ४ | ९ |
| ७ | ब्राजिल | ५ | ८ |
| ८ | क्रोएसिया | ७ | ८ |
| ९ | जर्मनी | ३ | ६ |
| १० | मोरक्को | ७ | ६ |
| ११ | सेनेगल | ४ | ५ |
| १२ | जापान | ४ | ५ |
| १३ | स्विट्जरल्याण्ड | ४ | ५ |
| १४ | सर्बिया | ३ | ५ |
| १५ | घाना | ३ | ५ |
| १६ | दक्षिण कोरिया | ४ | ५ |
| १७ | अस्ट्रेलिया | ४ | ४ |
| १८ | इक्वेडर | ३ | ४ |
| १९ | इरान | ३ | ४ |
| २० | क्यामरुन | ३ | ४ |
| २१ | पोल्याण्ड | ४ | ३ |
| २२ | साउदी अरेबिया | ३ | ३ |
| २३ | कोस्टारिका | ३ | ३ |
| २४ | संयुक्त राज्य अमेरिका | ४ | ३ |
| २५ | क्यानाडा | ३ | २ |
| २६ | उरुग्वे | ३ | २ |
| २७ | मेक्सिको | ३ | २ |
| २८ | वेल्स | ३ | १ |
| २९ | ट्युनिसिया | ३ | १ |
| ३० | कतार | ३ | १ |
| ३१ | डेनमार्क | ३ | १ |
| ३२ | बेल्जियम | ३ | १ |
| | कुल | ६४ | १७२ |
-1742801159.jpg)
