जर्मन बुन्डेस लिगामा बोरुसिया डर्टमण्ड वुल्फसवर्गसँग बराबरीमा रोकिएको छ। गए राति भएको खेल गोलरहित बराबरीमा रोकिएको हो।
घरेलु मैदानमा पाएको मौकामा गोल गर्न नसक्दा डर्टमण्डले बराबरी खेल्दै अंक बाँड्याे। बल पोजिसनमा पकड जमाएको डर्टमण्डले वुल्फसवर्गको पोष्टमा एक दर्जन आक्रमण गरेको थियो। तर, डर्टमण्डले त्यसलाई गोलमा परिणत गर्न सकेनन्। वुल्फसवर्गले पनि डर्टमण्डविरुद्ध केहि गोलको अवसर खेर फालेको थियाे।
यसै खेलबाट १७ वर्षीय इंलिस खेलाडी जाडाेन सान्चाेले पहिलाे पटक डर्टमण्डबाट खेल्ने इंलिस खेलाडी बनेका छन्। लिगको चौथो स्थानमा रहेको डर्टमण्डले २९ अंक जोडेको छ। २० अंक जोडेको वुल्फसवर्ग १२ औं स्थानमा छ। लिगको शीर्ष स्थानमा वायर्न म्युनिख र दोस्रो स्थानमा लेपजिङ रहेको छ।
