युभेन्टस कोपा इटालिया फुटबलको सेमिफाइनलमा


टोरिनोलाई २–० ले पराजित गर्दै युभेन्टस कोपा इटालिया फुटबलको सेमिफाइनलमा प्रवेश गरेको छ। घरेलु मैदानमा गए राति सम्पन्न क्वाटरफाइनल  खेलमा  युभेन्टसलाई जित दिलाउन  डोग्लास कोष्टा र मारियो मान्डुज्कीले  एक–एक गोल गरेका थिए।

खेलको १५ औं मिनेटमा डोग्लास कोष्टाले गोल गर्दै घरेलु टोलीलाई सुरुवाती अग्रता दिलाएका थिए। पहिलो हाफमा १–० ले अघि रहेको युभेन्टसले दोस्रो हाफमा थप एक गोल गर्यो। खेलको  ६७ औं मिनेटमा मान्डुज्कीले गोल गर्दै युभेन्टसलाई २–० को अग्रता दिलाए। त्यसपछि खेलमा थप गोल हुन् सकेन र खेल युभेन्टसले २–० ले जित्न सफल भयो।

सेमिफाइनलमा युभेन्टसले एटलान्टाको सामना गर्नेछ। इटालियन लिग लिडर नापोलीलाई पराजित गर्दै एटलान्टा सेमिफाइनलमा पुगिसकेको छ।

मंगलबार राति एटलान्टाले नापोलीलाई २–१ ले जित्दै सेमिफाइनलमा स्थान पक्का गरेको थियाे।

Share:

© 2017 Setopati Sanchar Pvt. Ltd.