एथ्लेटिको मड्रिड फर्किएका कोस्टाले मैदान छिरेको पाँच मिनेटमै गोल गरे


एथ्लेटिको मड्रिडले स्पेनिस कोपा डेल रे फुटबलमा इस्पोर्टिओलाई ४ – ०ले हराएको छ। बुधबार राति भएको अन्तिम १६ को पहिलो लेगमा १० खेलाडीमा सिमित लिइदा इस्पोर्टिओलाई पराजित गर्ने क्रममा डिएगो गोडिन, फर्नान्डो टोरेस, डिएगो कोस्टा र एन्टोनी ग्रिजम्यानले समान एक एक गोल गरेका थिए। एथ्लेटिको मड्रिडले पहिलो हाफमा २ तथा दोस्रो हाफमा थप दुई गोल गरेको थियो।

इस्पोर्टिओमा भएको खेलमा  घरेलु टोलीमाथि एकतर्फी जित निकाल्ने क्रममा एथ्लेटिकोले खेलको ३३ औं मिनेटमा डिएगो गोडिनको गोलबाट सुरुवाती अग्रता बनाएको थियो । खेलको ३७ औं मिनेटमा टोरेसले गोल गरेपछि पहिलो हाफमा एथ्लेटिकोले २ – ० को अग्रता बनायो ।

दोस्रो हाफको खेलको ६९ औं मिनेटमा डिएगो कोस्टाले गोल गर्दै एथ्लेटिकोलाई ३ – ० को अग्रता दिलाए ।

इंलिस क्लब चेल्सीबाट क्लब फर्किएका कोस्टाले मैदान छिरेको पाँच मिनेट भित्रै गोल गरेका हुन्। कोस्टा खेलको ६४ औं एन्जल कोरियाका स्थानमा मैदान छिरेका थिए । चेल्सीलाई गत सिजन प्रिमियर लिगको उपाधि दिलाउन महत्वपूर्ण योगदान गरेका कोस्टा जनवरीको ट्रान्सफर विण्डो खुलेसँगै एथ्लेटिको फर्किएका हुन् ।

खेलको इन्जुरी समयमा मार्क ट्रिलिसले दोहोरो पहेँलो कार्ड खाँदै मैदानबाट बाहिरिएपछि इस्पोर्टिओ १० खेलाडीमा सीमित भयो। घरेलु टोलि १० खेलाडीमा सिमित भएको फाइदा एथ्लेटिको मड्रिडले लियो । त्यसपछि खेलको इन्जुरी समयको दोस्रो मिनेटमा ग्रिजम्यानले गोल गर्दै गरेपछि एथ्लेटिको मड्रिडलाई ४–० को सहज जित दिलाए। दुई टोलीबीचको दोस्रो लेग एथ्लेटिकोको घरेलु मैदानमा हुनेछ।

Share:

© 2017 Setopati Sanchar Pvt. Ltd.