हङकङमा हुने चारदेशिय टी–२० सिरिजका लागि नेपाली राष्ट्रिय टिम घोषणा गरिएको छ।
१४ सदस्य नेपाली टोलीमा तीव्र गतिका बलर नन्दन यादवले तीन वर्षपछि स्थान पाएका छन्।
सिरिजका लागि रूपन्देहीको भैरहवास्थित सिद्धार्थ क्रिकेट मैदानमा बुधबारदेखि बन्द प्रशिक्षण सुरू भएको थियो।
सिरिजमा प्रशिक्षक रूपमा ज्ञानेन्द्र मल्लले नेपाली टोलीलाई प्रशिक्षण गराइरहेका छन्। यसअघि गत चैत १५ मा नेपाल क्रिकेट संघ (क्यान) ले राष्ट्रिय पुरूष क्रिकेट टोलीको प्रशिक्षकमा अस्ट्रेलियाका स्टुअर्ट ललाई नियुक्त गरेको थियो।
प्रशिक्षक ल नेपाल आउन ढिलाइ भएपछि क्यानले मल्ललाई प्रशिक्षकको जिम्मेवारी दिएको छ। यसअघि ज्ञानेन्द्र हङकङ सुपर सिक्सेसमा नेपाली टोलीको प्रशिक्षक थिए। मल्लले नेपालको ‘ए’ टोलीको प्रशिक्षक भएर पनि काम गरेका थिए।
सिरिजमा नेपाल र हङकङसहित कुवेत र कतारले प्रतिस्पर्धा गर्नेछन्।
नेपालले पहिलो खेल चैत २७ गते कतारसँग, चैत २८ गते कुवेतसँग र चैत ३० गते हङकङसँग खेल्नेछ। चैत ३१ गते तेस्रो स्थान र फाइनल खेल हुनेछ।
नेपाली टोली
१. रोहित पौडेल (कप्तान)
२. आसिफ शेख
३. कुशल भुर्तेल
४. लोकेस बम
५. बसिर अहमद
६. दीपेन्द्र सिंह ऐर
७. कुशल मल्ल
८. ललित नारायण राजवंशी
९. सोमपाल कामी
१०. करण केसी
११. साहब आलम
१२. नन्दन यादव
१३. रिजन ढकाल
१४. गुलशन कुमार झा
