प्रधानमन्त्री कप एकदिवसीय राष्ट्रिय क्रिकेट प्रतियोगितामा बागमती प्रदेशका इशान पाण्डेले शतक प्रहार गरेक छन्।
बिहीबार रुपन्देहीको सिद्धार्थनगरमा पाण्डेले मधेस प्रदेशविरूद्धको निर्णायक खेलमा शतक प्रहार गरेका हुन्।
जारी प्रधानमन्त्री कपमा यो पाँचौ शतक हो। यसअघि गण्डकी प्रदेशका अर्जुन कुमाल र त्रिभुवन आर्मी क्लबका त्रृतराज दासले पनि शकत प्रहार गरेका थिए। सुदूरपश्चिमका किरण ठगुन्नाले भने दुई शतक प्रहार गरेका थिए।
टस जितेको मधेसले फिल्डिङ रोजेपछि पहिले ब्याटिङ गरेको बागमतीका लागि ओपनिङमा आएका पाण्डेले ११४ रन बनाए। उनले १२७ बल खेलेर १४ चौका प्रहार गरे।
उनको शतकमा बागमतीले ८ विकेटको क्षतिमा २५९ रन जोड्यो।
रिजन ढकाल र विवेक मगरले ३०-३० रन बनाउँदा विपिनि आर्चायले २७ रन र शुभ कंसाकारले २० रनको योगदान गरे।
बलिङमा मधेसका हरिशंकर साह, पवन सर्राफ र अनिल साहले २-२ विकेट लिए।
खेलमा जित निकाले मधेसको शीर्ष चार भित्र पर्ने सम्भावना हुन्छ। तर त्यसका लागि उसले फराकिलो अन्तरको जित निकाल्नु पर्छ। बागमतीले थेरै अन्तरले पराजय भोगे पनि शीर्ष चारमा रहने सम्भावना छ।
