प्रधानमन्त्री कप एकदिवसीय राष्ट्रिय क्रिकेट प्रतियोगितामा त्रिभुवन आर्मी क्लबले लगातार दोस्रो खेलमा जित निकालेको छ।
बुधबार रूपन्देहीको सिद्धार्थनगरमा भएको खेलमा आर्मीले सुदूरपश्चिम प्रदेशलाई ८ विकेटले पराजित गर्यो। सुदूरपश्चिमले भने तीनमध्ये दुई खेल गुमाइसकेको छ।
टस जितेर पहिले ब्याटिङ गरेको सुदूरपश्चिम ४५.३ ओभरमा ११७ रनमै अलआउट भयो।
सुदूरपश्चिमका लागि निश्चल क्षेत्रीले सबैभन्दा बढी नटआउट ४९ रन बनाए। उनले १२१ बल खेल्दा २ चौका प्रहार गर्न सके। सुदूरपश्चिमका अरु ब्याटरले उल्लेख्य रन जोड् नसकेनन्।
बलिङमा आर्मीका शाहब आलमले चार विकेट लिए। उनले १० ओभरमा २ मेडन राख्दा १९ रन दिए। सोमपाल कामीले २ विकेट लिँदा आकाश चन्द, नरेन साउद, बसिर अहमद र कुशल मल्लले १-१ विकेट हात पारे।
११८ रनको लक्ष्य आर्मीले २ विकेटको क्षतिमा २३.५ ओभरमा पूरा गर्यो। आर्मीका लागि ओपनिङ ब्याटर सन्तोष कार्कीले नटआउट ५५ रन बनाए। उनले ६३ बलमा १० चौका प्रहार गरे।
ओपनर त्रृतराज दास ३१ रनमा आउट भए भने भीम सार्की एक रनमै पेभिलियन फर्के। कप्तान विनोद भण्डारीले नटआउट २० रन बनाए।
-1741770799.jpg)
