सना प्रवीनले नेपाली राष्ट्रिय टोलीबाट टी-२० अन्तर्राष्ट्रिय खेलमा डेब्यू गरेकी छन्।
युगान्डामा भइरहेको वुमन्स डे टी-२० कपअन्तर्गत घरेलु टोलीविरूद्ध खेल्दै डेब्यू गरेकी हुन्।
नेपाली यू-१९ टोलीबाट आइसिसी महिला यू-१९ विश्वकप खेलिसकेकी प्रवीन सिनियर महिला टोलीबाट खेल्ने ३८औं खेलाडी भइन्।
युगान्डामा भइरहेको प्रतियोगितामा नेपालले अहिले घरेलु टोलीसँग टस जितेर पहिले बलिङ गरेको छ।
नेपाल, हङकङ, नामिबिया र युगान्डाबीच भइरहेको प्रतियोगितामा नेपाल आफ्नो पहिलो खेलमा पराजित भएको थियो।
शनिबार भएको खेलमा नेपाललाई नामिबियाले ६ विकेटले पराजित गरेको थियो।
