आइसिसी च्याम्पियन्स ट्रफीअन्तर्गत समूह चरणको अन्तिम खेलमा भारतले न्युजिल्यान्डलाई २५० रनको लक्ष्य दिएको छ।
दुबईमा आइतबार टस जितेको न्युजिल्यान्डले फिल्डिङ रोजेपछि पहिले ब्याटिङ गरेको भारतले ९ विकेटको क्षतिमा २४९ रन जोड्यो।
भारतका लागि श्रेयस अय्यरले ७९ रन जोडे। उनले ९८ बलमा ४ चौका र २ छक्का प्रहार गरे।
त्यसअघि कप्तान तथा ओपनर रोहित शर्मा १५ रन तथा शुभमन गिल २ रनमा आउट भए। विराट कोहलीले ११ रन मात्र जोड्न सके।
अय्यरसँगै अक्षर पटेलले ४२ रन र हार्दिक पाण्ड्याले ४५ रन जोड्दा भारतका लागि महत्वपूर्ण रह्यो।
बलिङमा न्युजिल्यान्डका म्याट हेनरीले ५ विकेट लिए। उनले ८ ओभरमा ४२ रन दिए।
समूह ‘ए’ मा रहेका भारत र न्युजिल्यान्ड यसअघि नै अन्तिम चारमा पुगिसकेका छन्। आजको खेलले समूह विजेतको टुंगो लाग्नेछ। अर्को समूहबाट दक्षिण अफ्रिका र अस्ट्रेलिया अन्तिम चारमा पुगेका थिए।
