च्याम्पियन्स ट्रफीको लागि भारतको टोलीमा तीव्र गतिका बलर जसप्रित बुमराह नहुने पक्का भएको छ।
बुमराहको अझै पनि आफ्नो ढाडको दुखाइबाट पूर्ण रूपमा निको नभएपछि टोलीमा नराख्ने पक्का भएको हो। गत जनावरीमा सिड्नी टेस्टको क्रममा उनलाई चोट लागेको थियो। जसका कारण उनले इंग्ल्यान्डविरूद्धको सिरिज गुमाएका थिए।
उनको पुनरागमनको कहिले हुने बारेमा कुनै पुष्टि भएको छैन। सम्भवतः उनी केही हप्तामा दौडिन सुरु गर्नेछन् र त्यसपछि बिस्तारै बलिङमा फर्कनेछन्।
चोटका कारण बुमराहले गुमाउने यो दोस्रो आइसिसी प्रतियोगिता हो। ढाडको चोटका कारण बुमराहले अष्ट्रेलियामा २०२२ को टी-२० विश्वकप गुमाएका थिए।
बुमराहको स्थानमा हर्षित रानालाई टोलीमा राखिएको छ। उनले इङ्गल्याण्डविरुद्धको जारी सिरिजमा एकदिवसीय क्रिकेटमा डेब्यू गरेका थिए।
भारतीय टोली
रोहित शर्मा (कप्तान), शुभमन गिल (उपकप्तान), विराट कोहली, श्रेयस अय्यर, केएल राहुल (विकेटकिपर), ऋषभ पन्त (विकेटकिपर), हार्दिक पाण्ड्या, अक्षर पटेल, वाशिंगटन सुन्दर, कुलदीप यादव, हर्षित राना, मोहम्मद शामी, अर्शदीप सिंह, रविन्द्र जडेजा, बरुण चक्रवर्ती।
