सिद्धार्थ बैंक नेपाल प्रिमियर लिग (एनपिएल) अन्तर्गत दोस्रो क्वालिफायरको खेलमा जनकपुर बोल्ट्सले कर्णाली याक्सविरूद्ध टस जितेको छ।
कीर्तिपुरस्थित त्रिवि मैदानमा बिहीबार मध्यान्ह हुने खेलमा जनकपुरले टस जितेर पहिले फिल्डिङ गर्ने भएको छ।
खेलका लागि दुवै टोलीमा एक एक परिवर्तन गरिएको छ। कर्णालीले ब्याटर रित गौतमको स्थानमा बलर युनिस ठकुरीलाई खेलाएको छ। जनकपुरले पनि टोलीमा एक परिवर्तन गरेको छ। जनकपुरले अरनिको यादवको स्थानमा युवा ब्याटर मयन यावदलाई खेलाएको छ।
खेलको विजेता फाइनलमा पुग्नेछ। फाइनल पुग्ने टोलीले शनिबार सुदूरपश्चिम रोयल्ससँग खेल्नेछ।
जनकपुर पहिलो क्वालिफायरमा सुदूरपश्चिमसँग पराजित हुँदा दोस्रो क्वालिफायरको अवसर पाएको हो। कर्णालीले इलिमिनेटरको खेलमा चितवन राइनोजलाई हराएर दोस्रो क्वालिफायरमा स्थान बनाएको थियो।
