सिद्धार्थ बैंक नेपाल प्रिमियर लिग (एनपिएल) का लागि जनकपुर बोल्ट्सले हर्ष थाकरलाई टोलीमा भित्र्याएको छ।
२७ वर्षीय अलराउन्डर थाकरले ३५ टी-२० खेलमा २९ विकेट लिएका छन् भने ४५१ रन बनाएका छन्।
यसअघि जनकपुरले बुधबार इंग्लिस अलराउन्डर बेन माइकलाई भित्र्याएको थियो।
जनकपुरको मार्की खेलाडीमा आसिफ शेख छन्।
शनिबारदेखि सुरु हुने एनपिएलमा जनकपुरले उद्घाटन खेलमा विराटनगरकिंग्ससँग प्रतिस्पर्धा गर्नेछ।
टिम जनकपुर: आसिफ शेख – मार्की, ललित राजवंशी, अनिलकुमार साह, रुपेश सिंह, किशोर महतो, आकाश त्रिपाठी, शुभ कंसाकर, शेर मल्ल, हेमन्त धामी, अरनिको प्रसाद यादव, तुलबहादुर थापा मगर, जिमी निशम (न्युजिल्यान्ड), जोशुआ ट्रम्प (अमेरिका), बेन माइक (इंग्ल्यान्ड), मोहमद मोहसिन (पाकिस्तान), लाहिरू मिलन्था (अमेरिका), हर्ष थाकर (क्यानडा) ।
