इन्डियन प्रिमियर लिग (आइपिएल) मा रोयल च्यालेन्जर्स बैंगलोर राजस्थान रोयल्ससँग पराजित भएको छ।
घरेलु मैदानमा २ सय १८ रनको विशाल लक्ष्य पछ्याएको बैंगलोर १९ रनले पराजित भएको हो।
टस हारेर पहिले ब्याटिङ गरेको राजस्थानले सन्जु साम्सनको उत्कृष्ट पारीको मद्दतमा निर्धारित २० ओभरमा ४ विकेट गुमाउँदै २ सय १७ रन बनायो।
उसका लागि साम्सन ४५ बलमा ९२ रन जोडे। २ चौका र १० छक्का प्रहार गरेका उनी नट आउट रहे। यस्तै ओपनर अजिन्क्या रहानेले ३६ तथा बेन स्टक्सले २७ र जोस बटलरले २३ रन बनाए।
२१८ रनको विशाल लक्ष्य पछ्याएको घरेलु टोली बैंगलोरले निर्धारित २० ओभरमा ६ विकेट गुमाउँदै १ सय ९८ रन मात्र बनाउन सक्यो।
उसका लागि कप्तान विराट कोहलीले ५७, मञ्जिब सिंहले नटआउट ४७, डी कक २६ रन जोडे।
ओपनर ब्रेण्डन मेककलम सस्तैमा आउट भए पनि एबी डी भिलियर्सले २० तथा वासिङ्टन सुन्दरले १९ रन जोडे पनि घरेलु टोलीलाई हारबाट बचाउन सकेनन्।
राजस्थानका लागि श्रेयस गोपालले २ विकेट लिए।
तेस्रो खेलमा दोस्रो जित हात पारेको राजस्थान रोयल्स अंक तालिकाको चौथो स्थानमा उक्लिएको छ। यता तीन खेल बाट २ अंक मात्र बनाएको विराट कोहलीको टिम बैंगलोर छैठौं स्थानमा छ।
