मुम्बईलाई हराउँदै चेन्नईको आइपिएलमा विजयी सुरूवात


इन्डियन प्रिमियर लिग (आइपिएल) क्रिकेटको ११ औँ संस्करणमा महेन्द्र सिंह धोनीको टिम चुन्नई सुपरकिङ्सले विजयी सुरूवात गरेको छ।

पछिल्ला दुई सिजन प्रतिबन्धका कारण आइपिएलबाट बाहिर रहेको चेन्नई सुपरकिंग्सले शनिबार उद्घाटन खेलमा साबिक विजेता मुम्बई इन्डियन्सलाई १ विकेटले हराएको हो।

मुम्बईको वानखडे मैदानमा चेन्नईलाई जिताउन डवेन ब्रावोले बिस्फोटक ब्याटिङ गरे। ब्रावोले ३० बलमा ६८ रन बनाउँदै टिमलाई रोमाञ्चक जित दिलाए।

पहिले ब्याटिङ गर्दै मुम्बईले दिएको १ सय ६६ रनको लक्ष्य पछ्याएको चेन्नईले अन्तिब बल बाँकी छँदै जित हात पार्‍यो।

खराब सुरूवात गरेको चेन्नईले ५० रन बनाउँदा चार महत्वपूर्ण विकेट गुमाइसकेको थियो।

१७ औं ओभरसम्म ८ विकेटको क्षतिमा ११८ रन बनाएको चेन्नईलाई ब्रावोले अन्तिम तीन ओभरमा जितको बाटो देखाए। उनले ३० बलमा तीन चौका र सात छक्का प्रहार गरे।

यस्तै अन्तिम ओभरको चौथो बलमा छक्का र पाँचौँ बलमा चौका प्रहार गर्दै टिमलाई १ विकेटको जित दिलाएका जाधवले २२ बल खेल्दै २४ रन बनाए। चेन्नईका लागि आमबाती रायडुले २२, शेन वाट्सन १६ तथा रविन्द्र जडेजाले १२ रन जोडे। शुरेश रैना ४ तथा कप्तान महेन्द्र सिंह धोनी ५ रनमा आउट भएका थिए।

मुम्बईका लागि हार्दिक पाण्ड्या र मायाङ्क कारकर्डेले समान ३-३ विकेट लिए।

यसअघि टस हारेर पहिले ब्याटिङ्ग गरेको मुम्बईले निर्धारित २० ओभरमा ४ विकेटको क्षतिमा १६५ रन बनायो। उसका लागि सूर्यकुमार यादवले ४३, इशान किशनले ४०, क्रुणाल पाण्ड्याले नटआउट ४१ त्था हार्दिक पाण्ड्याले नटआउट २२ रन बनाएका थिए।

चेन्नईका लागि शेन वाट्सनले २ तथा इमरान ताहिर र दीपक चहरले १-१ विकेट लिए।

Share:

© 2017 Setopati Sanchar Pvt. Ltd.