सन्दीपले किन रोजे दिल्लीमा जर्सी नम्बर एक? (भिडियो)


आगामी अप्रिल ४ देखि हुन लागेको ११ औं संस्करणको इन्डियन प्रिमियर लिग (आइपिएल) खेल्न दिल्ली डेयरडेभिल्समा आबद्ध भएका सन्दीप लामिछानेले १ नम्बरको जर्सी लगाएर खेल्ने भएका छन्। बिहिबार दिल्ली डेयरडेभिल्सले काठमाडौंमा आयोजना गरेको एक कार्यक्रममा सन्दीपलाई एक नम्बरको जर्सी हस्तान्तरण गरेको हो।

राष्ट्रिय टोली तथा अन्य क्लबहरूबाट खेल्दा २५ नम्बर जर्सीमा देखिने सन्दीपले किन लगाए त एक नम्बर जर्सी? संवाददाताको प्रश्नमा उनले भने, ‘मेरो भान्जीको जन्मदिन २५ गते पर्छ, तर उनी यस संसारमा छैनन्। उनैको सम्झनामा म २५ नम्बरको जर्सी लगाउँछु’,  उनले भने, ‘दिल्लीमा सिनियर खेलाडी राबाडाले २५ नम्बर लगाउँछन्। मेरो भान्जीको जन्म पहिलो महिना भएकाले मैले १ नम्बर जर्सी लगाएको हुँ।’

दिल्लीका प्रमुख कार्यकारी अधिकृत हेमन्त दुआले पनि उनलाई विश्वकै नम्बर १ लेग स्पिनर बन्नका लागि शुभकामना दिए।

Share:

© 2017 Setopati Sanchar Pvt. Ltd.