इंग्लिस प्रिमियर लिग अन्तर्गत गएराति सम्पन्न खेलमा टोटनह्याम हट्सपरले ब्राइटनलाई २–० ले पराजित गरेकोे छ। जितसँगै टोटेनह्याम लिग तालिकाको चौथो स्थानमा उक्लिएको छ।
घरेलु मैदानमा टोटनह्यामको लागि सर्ज औरिएर र ह्युङ मिन सनले एक-एक गोल गरे। खेलको ४० औं मिनेटमा सर्जले गोल गर्दै टोटनह्यामलाई सुरुवाती अग्रता दिलाएका थिए भने दोस्रो हाफको ८७ औं मिनेटमा ह्यिुङ मिन सनले गोल गर्दै टोटनह्यामलाई स्पष्ट जित दिलाए।
टोटनह्यामले १७ खेलबाट ३१ अंक जोडेको छ। पराजित ब्राइटन १७ अंक जोडेर १३ औं स्थानमा छ ।
प्रिमियर लिग अन्तर्गत नै गएरातिका अन्य खेलमा लिभरपुल वेस्ट ब्रुमसँग गोलरहित बराबरीमा रोकिएको छ। यस्तै आर्सनल पनि वेष्ट ह्यामसँग गोलरहित बराबरीमा रोकियो। बराबरीपछि लिभरपुल ३१ अंक जोडेर पाँचौ स्थानमा छ भने ३० अंकसहित आर्सनल सातौं स्थानमा छ।
