नेपालीहरु कस्तुरी हराएको मृग झैं शून्यतामा हराएका छौँ – ज्ञानेन्द्र शाह

नेपालीहरु कस्तुरी हराएको मृग झैं शून्यतामा हराएका छौँ – ज्ञानेन्द्र शाह

यसरी मनाए पूर्वराजा ज्ञानेन्द्रले अाफ्नो ७१ औं जन्मोत्सव (हेर्नुहोस् तस्वीरमा)


पूर्वराजा ज्ञानेन्द्र शाहले पद र प्रतिष्ठा भन्दा पनि निरन्तरको देशभक्ति आफ्नो चाहना भएको बताएका छन्। ७१ औँ जन्मोत्सवको अवसरमा पूर्वराजा  शाहका तर्फबाट जारी भएको नोटमा यस्तो उल्लेख गरिएको छ। यसमा भनिएको छ – ‘हाम्रा पूर्खाले जोडेको र जोगाएको यो देश सदा संरक्षित होस्, सदा समृद्धिको बाटोमा अगाडि बढोस्, मेरो मूल चाहना र कामना यही नै हो।’

उनले देश संकटमा पर्दा देशवासीले देखाउने अभूतपूर्व एकताका लागि सधैं तयार रहनुपर्ने बताएका छन्। ‘देश जोगियोस्, जोडियोस् र विग्रह विखण्डनतर्फ नलागि सुदृढ राष्ट्रिय एकतातर्फ अग्रसर रहोस् यही नै मेरो मनोकांक्षा हो। यस्तो भावना आम नेपालीमा र खास गरी राष्ट्रका जिम्मेवार जनप्रतिनिधिहरुमा रहोस् यही नै मेरो आग्रह हो।’

पूर्वराजा शाहले सन्देशमा पूर्वीय दर्शनले विश्वलाई आकर्षित गरिरहेको बेलामा नेपालीहरु कस्तुरी हराएको मृग झैं शून्यतामा हराई रहेको टिप्पणी गरेका छन्। ‘हामी क्रियाशिल उर्जा बोकेर व्यूँझन अब ढिला गर्नु हुँदैन’, उनले भनेका छन् ‘निराशा बोकेर विदेशिएको उर्जाशील यूवाशक्तिलाई स्वदेशमै गरिखाने बाटो बनाई दिन उपाय खोज्न पनि हामी नै जागरुक हुनुपर्छ।’

उनले आफ्नो जन्मदिनको शुभकामना दिने सबैलाई धन्यवाद समेत दिएका छन्। जन्मोत्सवको केही झलकहरु :

Share:

प्रतिकृया दिनुहोस

© 2017 Setopati Sanchar Pvt. Ltd.