काठमाडौंको निर्वाचन क्षेत्र नम्बर ८ मा राष्ट्रिय स्वतन्त्र पार्टी (रास्वपा) का विराजभक्त श्रेष्ठले फराकिलो मतले अग्रता कायम राखेका छन्।
निर्वाचन अधिकृत सम्झना खनालका अनुसार अहिलेसम्म ९१८५ मत गन्दा विराजभक्तले ६१२७ मत प्राप्त गरेका छन्। यो अहिलेसम्म गनेको मतको ६६ प्रतिशतभन्दा बढी हुन्छ।
विराजभक्तको तुलनामा उनका निकट प्रतिद्वन्द्वी नेपाली कांग्रेसकी सपना राजभण्डारी धेरै नै पछाडि छिन्। उनले ७३७ मत प्राप्त गरेको निर्वाचन अधिकृत खनालले जानकारी दिइन्।
नेपाली कम्युनिस्ट पार्टी (नेकपा) का सुमन सायमिले ६५६ मत ल्याएका छन् भने नेकपा एमालेका राजेश शाक्यले ४३३ मत ल्याएका छन्।
