रूपन्देहीको निर्वाचन क्षेत्र नम्बर २ मा मतगणना सुरू भएको छ।
तिलोत्तमा नगरपालिका वडा नम्बर १ बाट मतगणना सुरू गरिएको हो। यो वडामा ४ हजार ७८ मत खसेको थियो।
बुटवल उपमहानगरपालिका–११, देवीनगरस्थित वडा कार्यालयलाई मतगणना स्थल बनाइएको छ।
रूपन्देही–२ निर्वाचन क्षेत्रमा बुटवल उपमहानगरपालिकाका १ देखि १३ नम्बर वडा छन् भने तिलोत्तमा नगरपालिकाका १ देखि ६ नम्बर वडा र सैनामैना नगरपालिकाका १ देखि ४ नम्बर वडा पर्छन्।
यो क्षेत्रमा नेकपा एमालेका विष्णु पौडेल, नेपाली कांग्रेसका चुन्नप्रसाद शर्मा (पौडेल), रास्वपाका सुलभ खरेल, नेपाली कम्युनिस्ट पार्टी (नेकपा) का विश्वदीप पाण्डे, जनता समाजवादी पार्टी (जसपा) का दीपक गुरूङ, जनमत पार्टीका रमेश लोध लगायत विभिन्न दलका र स्वतन्त्र उम्मेदवार समेत गरी ३९ जना प्रतिस्पर्धामा छन्।
