राप्रपा नेपाल कार्यसम्पादन समितिको बैठक सोमबार बस्ने भएको छ। आज दिउँसो १ः३० बजे पार्टी केन्द्रीय कार्यालय सिफलमा बैठक बस्ने महामन्त्री राजाराम बर्तौलाले जानकारी दिए।
मुलुकमा विकसित भएको पछिल्लो राजनितिक घटनाक्रम, आन्दोलनको तयारी र पार्टीको भूमिकाबारे अध्यक्ष कमल थापाबाट कार्यसम्पादन समितिमा ब्रिफिङ हुने बर्तौलाले जानकारी दिए।
आजको बैठकमा तीनकुने घटना र सो घटनाको आधारमा पक्राउ परेकाहरूको रिहाइबारे समेत छलफल हुने राप्रपा नेपालले बताएको छ।
पार्टी अध्यक्ष कमल थापाले तीनकुने घटनाबारे निष्पक्ष छानबिन हुनुपर्ने र पक्राउ परेकाहरूलाई रिहाई गर्नुपर्ने धारणा यसअघि नै सार्वजनिक गरिसकेका छन्।
-1742801159.jpg)
