नेकपा (एकीकृत समाजवादी) को केन्द्रीय कमिटी बैठकले २० बुँदे समयसामयिक प्रस्ताव पारित गरेको छ।
फागुन ९ र १० गते ललितपुरस्थित नेपाल प्रशासनिक प्रशिक्षण प्रतिष्ठानमा बसेको दोस्रो पूर्ण बैठकले जाजरकोटलगायत पश्चिम नेपालमा गएको भूकम्पको दुई वर्षसम्म पनि पुनर्निर्माणको काम सुरू नभएको प्रति चिन्ता व्यक्त गरेको छ।
बैठकले प्रभावितको आवाज सुन्न र यथाशीघ्र पुनर्निर्माणको काम अगाडि बढाउन सरकारसँग जोडदार माग गरेको छ। गत असोज १०–१२ को भारी वर्षाले देशैभर क्षति पु¥याएको संरचना पुनर्निर्माण गर्न पनि माग गरेको छ।
बिपी लगायत राजमार्गमा पुनर्निर्माणमा चासो देखाउन पनि सरकारसँग जोडदार माग गरेको छ। संसदमा दवाफार छलफलमा रहेका विद्यालय शिक्षा विधेयक र निजामती सेवासम्बन्धी विधेयकबारे सम्वन्धित सबै सरोकारवालाहरू, विज्ञहरूसँग समेत व्यापक छलफल गरी यथाशीघ्र उपयुक्त निष्कर्षमा पुग्न, ऐन निर्माणको प्रक्रियालाई अगाडि बढाउन पनि बैठकले आह्वान गरेको छ।
बैठकमा २९८ जना केन्द्रीय सदस्यहरूको उपस्थिति रहेको महासचिव घनश्याम भूसालले जानकारी दिए। बैठकले राजनीतिक प्रतिवेदन, पार्टीको नियमावली, विनियमहरू, विभिन्न निर्देशिकाहरू, महाधिवेशनको सामान्य समीक्षा, पार्टीको तात्कालिक कार्ययोजना र पार्टीका तात्कालिक सङ्गठनात्मक तथा विभिन्न राजनीतिक विषयमा छलफल गरेको उनले बताए। छलफलमा १७६ केन्द्रीय सदस्यले भाग लिएका थिए। केहीले लिखित सुझाव पेश गरेको उनले बताए।
केन्द्रीय कमिटी बैठकबाट पारित प्रस्तावहरू
