मोरङको ग्रामथान गाउँपालिकामा मतदान भइरहेको छ। तत्कालीन अध्यक्ष जयप्रकाश गच्छदारको गत असारमा निधन भएपछि रिक्त पदका लागि यहाँ मतदान भइरहेको हो।
ग्रामथान अध्यक्षका लागि १६ जनाले उम्मेदवारी दिएका छन्। त्यसमध्ये तीन जना उम्मेदवार स्वतन्त्र रहेका छन्।
गाउँपालिकाका विभिन्न १२ मतदानस्थलमा मतदान सुरु भएको मुख्य निर्वाचन अधिकृतको कार्यालयले जनाएको छ। गाउँपालिका अध्यक्ष छान्न आज मतदान भैरहेको हो।
ग्रामथानमा २६ हजार ४४ जना मतदाता रहेको निर्वाचन कार्यालयले जानकारी दिएको छ।
