नेपालसँग मैत्रीपूर्ण खेल खेल्न बंगलादेशको युथ टोली शनिवार काठमाडौं आउने भएको छ। एएफसी युथ–२३ छनोटको तयारीका लागि अभ्यास खेल खेल्न अखिल नेपाल फुटबल संघ (एन्फा) को निमन्त्रणामा बंगाली टोली नेपाल आउन लागेको हो।
बंगाली टोलीले आउँदो सोमबार एन्फा कम्प्लेक्स सातदोबाटोमा दिउँसो ३ बजे खेल्ने छ। यसका लागि सम्पूर्ण तयारी पुरा भइसकेको एन्फाले विहिबार जनाएको छ। नेपालले एएफसी युथ–२३ छनोटअन्तर्गत जुलाई १५ मा आयोजक युएई, जुलाई १७ मा उज्बेकिस्तान र जुलाई १९ मा लेबननविरुद्ध खेल्नेछ।
