कविता
सकेको मिलाएर मिठोमसिनो खाइयो
समाजमा अलिकति मिठास भर्न खोजियो
यस पालिको दसैं जसो तसो मनाइयो।
सम्बन्धहरूलाई पुनर्निर्माण गर्न खोजियो
कोही सम्बन्धहरू बने कोही बन्न खोजेनन्
यस पालिको दसैं जसोतसो मनाइयो।।
कोही टीका अनलाइनमा विदेशमा लाइयो
गाउँबेशीको सम्झना ताजकीय बनाइयो
यस पालिको दसैं जसोतसो मनाइयो।।
नातागोतामा सकेको दक्षिणा मिलाइयो
आफ्नाहरूको गतिमा उतारचढाव देखियो
यस पालिको दसैं जसोतसो मनाइयो।।
को कति क्षमतामा छ प्रतिद्वन्द्वतामा हेरियो
आफन्तहरूको बीचमा सरलता खोजियो
यस पालिको दसैं जसोतसो मनाइयो।।
मूल्यांकनको आधारमा व्यवहार तयार गरियो
केही मिठास भरियो थोरै अनुभव खोजियो
यस पालिको दसैं जसोतसो मनाइयो।।
कसैले द्वन्द्व दिन खोजे कसैले सम्बन्ध
यसै बीचमा आफ्नै जीवन खोजियो
यस पालिको दसैं जसोतसो मनाइयो।।
कतै टीकामा आफ्नो आकार खोजियो
कतै आफ्नैमा आफ्नो जीवन खोजियो
यस पालिको दसैं जसोतसो मनाइयो।।
कसैलाई आफ्नो बनाउन प्रयास गरियो
कतै आफैलाई बलियो रूपमा प्रस्तुत गरियो
यस पालिको दसैं जसोतसो मनाइयो।।
विदेशिनेलाई देशको अनुभव गराइयो
रोटेपिङमा रूँदै मच्चिएर हाँसो देखाइयो
यस पालिको दसैं जसोतसो मनाइयो।।
सस्तो बजारमा गइयो नयाँ किनियो
बच्चाहरूलाई खुसीको अनुभूति दिइयो
यस पालिको दसैं जसोतसो मनाइयो।।
शुभकामना दिइयो, सफलताको कामना गरियो
आफ्नै लागि अनेकन् अवयवहरू बनाइयो
यस पालिको दसैं जसोतसो मनाइयो।।
