सन् २०२६ को फेब्रुअरीमा एक लाख बढी पर्यटक भित्रिएका छन्।
नेपाल पर्यटन बोर्डको तथ्यांक अनुसार विभिन्न मुलुकबाट एक लाख ५ हजार ४४१ विदेशी पर्यटक भित्रिएका हुन्।
यो संख्या अघिल्लो वर्षको सोही महिनाको तुलनामा ८.८ प्रतिशतले वृद्धि भएको हो। गत वर्ष सोही अवधिमा ९६ हजार ८ सय ८० संख्यामा पर्यटक भित्रिएका थिए।
तथ्यांकअनुसार सबैभन्दा धेरै पर्यटक दक्षिण एसिया क्षेत्रबाट आएका छन्, जसको हिस्सा ३३.५ प्रतिशत रहेको छ। यसमा भारतबाट मात्र २२ हजार ७४५ पर्यटक नेपाल आएका छन्।
त्यसैगरी एसिया (अन्य) क्षेत्रबाट २९.८ प्रतिशत, युरोपबाट १६.६ प्रतिशत र अमेरिकाबाट ११.२ प्रतिशत पर्यटक आगमन भएको छ।
जनवरीमा विभिन्न मुलुकबाट ९२ हजार ७ सय ५३ संख्यामा पर्यटक भित्रिएका थिए।
