रक ब्यान्ड १९७४ एडीले अन्तिम कन्सर्ट ‘रक यात्रा–२’ को आयोजना गर्ने भएको छ। तीन दशकदेखि निरन्तर नेपाली संगीत क्षेत्रमा
उत्कृष्ट योगदान पुर्याइरहेको यस ब्यान्डले आगामी शनिबार बौद्धमा हजारौ दर्शक तथा कलाकारहरु माझ आफ्नो अन्तिम यात्राको अन्तिम प्रस्तुति दिने भएको हो।
नेपाली संगीतप्रेमीहरूको लागि यो कन्सर्ट अविस्मरणीय हुनेछ। जहाँ परेलीमा, चौबन्दी चोली, र यो मन त मेरो नेपाली हो जस्ता ब्यान्डका चर्चित गीतहरु लाइभ प्रस्तुत गरिनेछ।
ब्यान्डले सन् २००२ मा काठमाडौंमा गरेको कन्सर्ट रक यात्रामा करिब ६० हजार दर्शकको उपस्थिति थियो भने सो कन्सर्ट अहिलेसम्म नेपालको इतिहासकै सबैभन्दा ठूलो कन्सर्ट मानिन्छ।
लगभग २३ वर्ष पछि हुन लागेको ‘रक यात्रा २’ मा पनि दर्शकहरुको उति नै उपस्थिति रहने अनुमान गरिएको छ ।
१९९० मा गठन ब्यान्ड स्थापनाकालदेखि तीन दशकसम्म आइपुग्दा सदाबहार गीतहरुको माध्यमबाट नेपालका विभिन्न पिढ़ीका संगीतप्रेमीहरूको मन जित्न सफल छ।
नेपाली गीत संगीतलाई नयाँ आयाम दिन प्रभावकारी भूमिका खेलेको यो ब्याण्डको नेपालमा अन्तिम कन्सर्ट भएकाले पनि यस
कन्सर्ट नेपाली संगीतप्रेमीहरूका लागि विशेष र अविष्मरणीयका साथै भावनात्मक हुने अनुमान गरिएको छ।
कार्यक्रमको टिकट इसेवामा मार्फत लिन सकिने छ।
-1743682481.jpg)
