प्राइम सिएसँग आबद्ध स्वयम्भू इन्टरनेसनल कलेज र बिजनेस ग्रुप अफ इन्डस्ट्रिज लिमिटेड (बिग इन्डस्ट्रीज) बीच समझदारी भएको छ।
कलेजले बिग इन्डस्ट्रिजको व्यावसायिक गतिविधिहरू सञ्चालन हुने ठाउँहरूमा आफ्ना विद्यार्थीहरूलाई प्रशिक्षार्थीको रुपमा पठाउनका लागि बिहीबार समझदारी पत्रमा हस्ताक्षर गरेको हो।
कलेजले प्रभावकारी सिकाइसँगै आय आर्जन गर्ने विशेष शिक्षा अवधारणा अन्तर्गत सैद्धान्तिक ज्ञानलाई व्यवहारिक ज्ञानसँग जोड्ने क्रममा विभिन्न औद्योगिक, व्यापारिक, बैंकिङ, वित्तीय, बीमा र सूचना प्रविधिसँग सम्बन्धित व्यवसायिक संस्थाहरूसँग इन्टर्नको लागि सम्झौता गर्दै विद्यार्थीहरूलाई उक्त संस्थामा प्रशिक्षार्थीको रुपमा पठाई व्यवहारिक ज्ञान प्रदान गर्दै आएको छ।
