सरकारले चालु आर्थिक वर्षको ६ महिनाको अवधिमा निर्माण भएको सडक, पुल पुलेसा तथा भवनहरूको विवरण सार्वजनिक गरेको छ।
अर्थमन्त्री विष्णुप्रसाद पौडेलले बजेटको अर्धवार्षिक समीक्षा गर्दै ५ महिनामा गरिएको कामको विवरण खुलाएका हुन्।
६ महिनाको अवधिमा ९२.५२ किलोमिटर सडकमा कालोपत्र तथा ढलान नै गरेर स्तरोन्नति भएको जनाइको छ।
७७.८६ किलोमिटर सडक ग्राभेल गरेर स्तरोन्नति गरिएको उल्लेख गरिएको छ।
साउनदेखि पुस महिनाको अवधिमा ३६ वटा स्थानीय तहका प्रशासकीय भवन निर्माण गरिएको छ। त्यस्तै, सात वटा स्वास्थ्य भवन निर्माण गरिएको उल्लेख छ।
पछिल्लो ६ महिनामा चार वटा सडक पुल र १२४ वटा झोलुंगे पुलको पनि निर्माण सकिएको उल्लेख छ।
सिद्धबाबा सुरुङ मार्गको ११ सय २६ मिटर मुख्य सुरुङ खन्ने कार्य सम्पन्न भएको प्रगति विवरणमा उल्लेख गरिएको छ।
