डिस होमको दुई नयाँ च्यानल प्रसारणमा


डिस होमले दुई नयाँ च्यानलहरुको प्रशारण सुरु गरेको छ। डिसहोमले ‘रमाईलो टिभी’ र ‘एक्सन स्पोर्टस’ नामक दुई नयाँ मनोरन्जनात्मक च्यानलको प्रशारण सुरु गरेको हो।

च्यानल नं १०४ मा प्रशारण हुने रमाईलो टिभीमा नेपाली हाँस्य श्रृंखला, नेपालीमा अनुवाद गरिएका चर्चित हिन्दी टेलिश्रृंखला, धार्मिक कार्यक्रम र विभिन्न मनोरञ्जनात्मक सामाग्रीहरु प्रशारण हुने बताइएको छ।

यसैगरी च्यानल नं १०५ मा प्रशारण हुने नेपालकै पहिलो स्पोर्टस च्यानल एक्सन स्पोर्टसमा नेपालभर हुने फुटबल, क्रिकेट लगायतका विभिन्न खेलहरुको प्रत्यक्ष प्रशारण, विभिन्न राष्ट्रिय तथा अन्र्तराष्ट्रिय खेलहरु तथा खेलकुद सम्बन्धि विभिन्न कार्यक्रमहरु प्रशारण हुने कम्पनीले उल्लेख गरेको छ।

डिशहोमका यी नयाँ च्यानलहरु हेर्नको लागि डिशहोमका ग्राहकहरुले आफ्नो रोजाई अनुसारको प्लस प्याकेज लिनुपर्ने हुन्छ।

दसैँतिहारको अवसरमा खुसी अन गरौं योजनाअन्तर्गत २ हजार ९ सय ९९ मै डिसहोम जोड्न सकिने कम्पनीले जनाएको छ।

 

Share:

© 2017 Setopati Sanchar Pvt. Ltd.