दराज नेपालले निकै प्रतिक्षित ३.३ मार्च म्याडनेस क्याम्पेनको घोषणा गरेको छ।
ग्राहकहरूले यस क्याम्पेन अन्तर्गत ६० प्रतिशतसम्मको छुट, निःशुल्क डेलिभरी र ५० लाख रूपैयाँ बराबरको भौचरहरू प्राप्त गर्न सक्नेछन्।
फागुन १९ देखि फागुन २३ सम्म चल्ने यस क्याम्पेनले नेपाली ग्राहकहरूलाई किनमेलको रोमाञ्चक अनुभव प्रदान गर्ने कम्पनीको विश्वास छ।
क्याम्पेन अवधिभर दराजका ग्राहकहरूले फ्ल्याश सेल मार्फत दैनिक रूपमा आकर्षक छुटहरूको लाभ लिन सक्नेछन्।
यस अन्तर्गत ग्राहकहरूले सोटाफिल, अइबिबी, डा. केयर लगायतका विभिन्न ब्रान्डहरूमा ६० प्रतिशतसम्मको आकर्षक छुट पाउनेछन्।
सीमित अवधिका लागि मात्र उपलब्ध हुने यी अफरहरू हरेक दिन अपडेट गरिने जानकारी कम्पनीले दिएको छ। तसर्थ, ग्राहकहरूलाई दराज एपको “फ्ल्याश सेल“ सेक्सन नियमित रूपमा जाँच गर्न कम्पनीले अनुरोध गरेको छ।
त्यसैगरी, बेस्ट प्राइस ग्यारेन्टी, बिपिजी कार्यक्रम अन्तर्गत ग्राहकहरूले थप आकर्षक अफरहरूको अनुभव प्राप्त गर्न सक्नेछन्।
यस कार्यक्रम अन्तर्गत यदि कुनै ग्राहकले नेपालकै अन्य अनलाइन प्लेटफर्ममा सोही उत्पादन दराजमा दिइएको भन्दा सस्तो मूल्यमा फेला पारे भने दराजले मूल्य अन्तरको दोब्बर रकम फिर्ता गर्ने जानकारी दिएको छ।
तर, यसका लागि दाबी योग्यता र मापदण्ड अनुरूप हुनु पर्नेछ।
३.३ क्याम्पेनको अर्को प्रमुख आकर्षणका रूपमा निःशुल्क डेलिभरी सुविधा रहेको छ। यस अन्तर्गत ग्राहकहरूले कम्तीमा ४९९ रूपैयाँको खरिद गर्दा चुनिएका बिक्रेताहरू बाट निःशुल्क डेलिभरी सुविधा प्राप्त गर्नेछन्।
निःशुल्क डेलिभरीका भाउचरहरू प्राप्त गर्न दराज एपको होमपेजमा रहेको फ्रि डेलिभरी ब्यानरमा क्लिक गरी निर्धारित पृष्ठमा जान सकिनेछ।
३.३ क्याम्पेन केबल छुट र बचतका लागि मात्र भनई उपभोक्ताहरूलाई उत्कृष्ट अनलाइन किनमेल अनुभव प्रदान गर्ने उद्देश्यका साथ आयोजना गरिँदै आइरहेको कम्पनीको भनाइ छ।
क्याम्पेन अन्तर्गत स्वास्थ्य तथा सौन्दर्य, फेसन, अडिओ तथा वेयरेवल्स, फर्निचर, घर सजावट र अन्य विविध उत्पादनहरूमा अविश्वसनीय अफरहरू उपलब्ध रहने जानकारी दिइएको छ।
