यस्तो छ बिमा कम्पनीको चुक्ता पूँजी वृद्धि योजना


आगामी असार मसान्तसम्म तोकिएको चुक्ता पुँजी पुर्‍याउने गरी नियामक निकायसमक्ष बिमा कम्पनीहरुले कार्ययोजना पेस गरेका छन्।

नियामक बिमा समितिले सबै कम्पनीहरुलाई असार मसान्तसम्म कार्ययोजना बुझाउन भने पनि ६ वटा निर्जीवन तथा दुई वटा जीवन बिमा कम्पनीहरुले भने योजना बुझाएका छैनन्।

ती कम्पनीहरुलाई थप १५ दिनको म्याद दिइएको समितिले जनाएको छ। समिति सुपरीवेक्षण शाखा निर्देशक राजुरमण पौडेलका अनुसार कम्पनीहरुले नै केही समय थप मागेकाले केही दिनको अवधि थप गरिएको हो। हालै बसेको बिमा समितिको बैठकले साउन महिनाको म्याद थप गरेको हो।

‘थप गरिएको समयअनुसार साउन सम्म यिनीहरुले योजना बुझाइसक्नुपर्छ’ उनले भने ‘योजना नबुझाएमा ऐनअनुसार कारबाही हुन्छ।’

निर्जीवनतर्फ नेपाल, ओरिएन्टल, नेसनल इन्स्योरेन्स कर्पोरेसन, प्रभु र सिद्धार्थ इन्स्योरेन्सले पुँजी वृद्धि योजना बुझाएका छैनन्। त्यस्तै राष्ट्रिय बिमा कम्पनीले पनि पुँजी वृद्धि योजना बुझाएको छैन। जीवन बिमा कम्पनीतर्फ नेसनल र मेट लाइफले कार्ययोजना बुझाएका छैनन्। मेट लाइफको नेपालमा शाखा मात्रै संचालन भएकाले उसको अन्य विवरणहरु अध्ययन गर्नुपर्ने अवस्था रहेको समितिका निर्देशक पौडेलले जानकारी दिए।

९ वटा जीवन बिमा कम्पनीहरुमध्ये नेपाल लाइफ इन्स्योरेन्सको चुक्ता पुँजी पुगिसकेको छ।

युनाइटेड र प्राइम लाइफ कम्पनीहरुको विगतका आर्थिक वर्षको वासलात नै स्वीकृत हुन बाँकी रहेकाले ति कम्पनीहरुले वासलात स्वीकृत भएपछि मात्रै योजना बुझाउने बताएका छन्।

युनाइटेडको २०७२/७३ को वासलात र प्राइम लाइफको २०६९ देखिकै वासलात स्वीकृति हुन बाँकी छ। जसले गर्दा ति कम्पनीहरु समयमै पुँजी वृद्धि योजना बुझाउन असक्षम बनेका छन्। नाफा र सेयरधनी कोष एकीन हुन नसक्दा ति दुई कम्पनीहरुले कहिले पुँजी वृद्धि योजना पठाउँछन् भन्नेमा अन्यौल छ।

जीवन बिमा कम्पनीहरुले यस आर्थिक वर्षभित्र २ अर्ब र निर्जीवन कम्पनीहरुले १ अर्ब चुक्ता पुँजी पुर्याउनुपर्दछ।

जीवन बिमा कम्पनीहरुको कार्ययोजना (रकम करोडमा देखाइएको छ)

कम्पनी पुँजी २०७२/७३ २०७३/७४ २०७४/७५ पुग्ने पुँजी/ कैफियत
गुराँस लाइफ ५५. ० ४.४ (बोनस)२९.७ (हकप्रद) ६. ० (बोनस)१०५ (हकप्रद) २००.०९
एसियन लाइफ ८०.५६ ४०. २८ (हकप्रद) ६०. ४२ (हकप्रद) १८.७४ (बोनस) २००.००
सुर्या लाइफ ६५. ६ ६.५६ (बोनस) २८.८८ (हकप्रद) १०.१ (बोनस) ८८.८ (एफपिओ वा हकप्रद) २००.००
राष्ट्रिय बिमा सं १२. ९३ स्वीकृतिका लागि अर्थमा पेस
नेसनल लाइफ १३२. ४९ नआएको
नेपाल लाइफ २१६.४९ पुगिसकेको
मेट लाइफ
लाइफ इ. कर्पोरेसन १०६. ९४ २६.५२ (बोनस) ४० (बोनस) २९ (बोनस) २०२. ४६
प्राइम लाइफ ४८.८१ (वासलात स्वीकृतिपछि)

निर्जीवन बिमा कम्पनीहरुको कार्ययोजना (रकम करोडमा देखाइएको छ)

कम्पनी पुँजी २०७२/७३ २०७३/७४ २०७४/७५ पुग्ने पुँजी /कैफियत
एभरेष्ट १०.१३ २.०३ (बोनस) ७२.९० (हकप्रद) १४.९५ (बोनस) १००. ००
सगरमाथा ५३.८३ ३७.६८ (बोनस) ९.१५ (हकप्रद) १००.६६
लुम्बिनी ३९.०० ७८.०० (हकप्रद ११.१२ (बोनस) १२.७० (बोनस) १४०.८१
एनबि २७.०० २७.०० (हकप्रद) ४३.२० (बोनस) ४.८६ (हकप्रद) १०२.०६
एनएलजी ५१.२३ १०.२५ (बोनस) १२.३ (बोनस) २९.५१ (हकप्रद) १०३.२९
प्रुडेन्सियल ४२.७७ १२.८३ (हकप्रद) ८.५५ (बोनस) २५.६६ (हकप्रद) १०.७८ (बोनस) १००.५९
नेको ७१.२९ ७.१३ (बोनस) २१.५८ (हकप्रद) २३.५३ (हकप्रद) १२३.५३
शिखर ८१.७६ बोनसमार्फत १ अर्ब नघाउने
प्रिमियर ४४.९० ६.७३ (बोनस)६.६ (हकप्रद) ४३.६३ (बोनस) १०१.८५
नेपाल २८.७६ म्याद थप
ओरियन्टल म्याद थप
नेसनल ई. क. म्याद थप
राष्ट्रिय बिमा क. १२.४४ म्याद थप
हिमालयन ३२.१ ६४.२० (हकप्रद) १०२. ७२
युनाइटेड ३०.२४ वासलत स्वीकृतपछि
प्रभु ३२.९ म्याद थप
सिद्धार्थ ३४.४८ म्याद थप

स्रोत विमा समिति

Share:

प्रतिकृया दिनुहोस

© 2017 Setopati Sanchar Pvt. Ltd.