नयाँ कम्पनीमा अझै छ ६६२ प्रतिशतसम्म लाभ

सेतोपाटी संवाददाता

काठमाडौं, माघ २२

पछिल्लो एक वर्षमा सेयर बजारमा सूचीकरण हुन आएका नयाँ कम्पनीमा अझै लगानीकर्ताको आकर्षण घटेको छैन।

अहिले पनि सूचीकरणको मूल्यको आधारमा यस्ता कम्पनीमा लगानीकर्तालाई ८८ प्रतिशतदेखि ६६२ प्रतिशतसम्म लाभ भइरहेको छ।

स्वस्तिक लघुवित्तमा लगानीकर्तालाई सबैभन्दा धेरै ६६२ प्रतिशतसम्म लाभ छ। सूचीकरणको समय ३९१ मूल्य रहेको स्वस्तिकको बिहीबार २९८७ रूपैयाँका सेयर कारोबार भएको छ।

सबैभन्दा कम लाभ दरमखोला हाइड्रोमा छ। यसमा लगानीकर्तालाई ८८ प्रतिशत लाभ छ। ४०२ रूपैयाँमा कारोबार सुरू भएको यसको बिहीबार ७५८ रूपैयाँमा कारोबार भएको छ।

यी नयाँ कम्पनीहरूको मूल्य एक पटक नयाँ उचाइमा पुगेर घटे पनि अहिले फेरि बढ्न थालेको हो।

उच्च मूल्यबाट भने बिहीबार यी कम्पनीहरूको मूल्य १० प्रतिशतदेखि ४६ प्रतिशतसम्म कम छ।

उच्च मूल्यबाट सबैभन्दा धेरैले घट्नेमा नेपाल माइक्रो इन्स्योरेन्स छ। ३०२ बाट पहिलो कारोबार भएको यसको बिहीबार १४५६ रूपैयाँमा कारोबार भएको छ। यसको उच्च मूल्य २४५८ रूपैयाँ थियो।

त्यस्तै, उच्च मूल्यबाट सबैभन्दा कम मूल्य घट्नेमा एसवाई प्यानल छ। २२५५ सम्म मूल्य पुगेको यसको बिहीबार २११५ मा कारोबार भएको छ। सूचीकरण हुँदा ३१९ मा यसको पहिलो कारोबार भएको थियो।

नयाँ कम्पनी हुनु, चुक्ता पुँजी कम हुनु र केही समूहसँग यस्ता कम्पनीको सेयर धेरै भएकोले मूल्य उच्च विन्दुमै रहन सकेको ब्रोकरहरू बताउँछन्।

कम्पनी	माघ २२ (हाल) को मूल्य	उच्च मूल्य	उच्चबाट हालको मूल्य अन्तर %	सूचीकरणको मूल्य	सूचीकरणसँग हालको मूल्य अन्तर %	सूचीकरणसँग उच्च मूल्यको अन्तर %
स्वस्तिक लघुवित्त	२९८७	३४००	-१२	३९१	६६४	४१४
सागर डिष्टिलरी	२१६०	२४३९	-११	३१९	५७७	३२३
एसवाइ प्यानल	२११५	२२५५	-६	३१९	५६३	३०२
गार्जियन माइक्रो लाइफ	१८३३	२७७८	-३४	३०१	५०९	४४७
ओम मेगाश्री	१४०८	२१६७	-३५	२७०	४२१	४१५
झापा इनर्जी	१४३६	१७४९	-१७	२९३	३९०	३५०
श्री नगर एग्रोटेक	१४९९	१६९०	-११	३०१	३९८	३२७
क्रेष्ट माइक्रो लाइफ	१४९९	२४५८	-३९	३०२	३९६	५२२
नेपाल माइक्रो इन्सुरेन्स	१४५६	२७०३	-४६	३०२	३८२	६०९
हिमस्टार उर्जा	१००९	१२६४	-२०	२५२	३००	३२१
बन्दीपूर केबल	११०७	१२३३	-१०	२८५	२८८	३२८
पियोर इनर्जी	१०९७	१३२७	-१७	२८९	२८०	३७६
ट्रेड टावर	९५९	१२६२	-२४	३६६	१६२	६८४
माबिलुङ इनर्जी	८११	९२७	-१२	३१७	१५६	४९८
सान्भी इनर्जी	८८५	१०६०	-१६	३५९	१४७	६२६
बुंगल हाइड्रो	७०८	८२२	-१३	३०२	१३४	५१३
विकास हाइड्रो	६०९	६९९	-१२	२९२	१०९	५४७
दरमखोला हाइड्रो	७५८	९१८	-१७	४०२	८९	९४३