नबिल बैंकको नाफा १५.१७ प्रतिशतले बढेको छ। बैंकले सार्वजनिक गरेको गत आर्थिक वर्ष २०८१/८२ को चौथो त्रैमाससम्मको अपरिष्कृत वित्तीय विवरणले यस्तो देखाएको हो।
अघिल्लो आर्थिक वर्ष २०८०/८१ मा ६ अर्ब १९ करोड रूपैयाँ नाफा कमाएकोमा गत आर्थिक वर्षमा बैंकले सात अर्ब १२ करोड रुपैयाँ नाफा गरेको हो।
बैंकको खुद ब्याज आम्दानी, अन्य सञ्चालन आम्दानी सामान्य बढे पनि अघिल्लो पटकभन्दा कम प्रावधान राखेपछि नाफा बढ्न सहयोग पुगेको हो।
अघिल्लो पटक चार अर्ब ६३ करोड प्रावधान राखेको बैंकले यस पटक दुई अर्ब ३९ करोड प्रावधान राखेको छ।
बैंकको खुद ब्याज आम्दानी ०.०६ प्रतिशतले बढेर १६ अर्ब ३२ करोड रुपैयाँ पुगेको छ।
बैंकको वितरण योग्य मुनाफा चार अर्ब ७७ करोड रुपैयाँ छ। बैंकले १७.६४ प्रतिशत लाभांश दिन सक्ने क्षमता देखिन्छ। यसअघि यस्तो क्षमता ११.३९ प्रतिशत थियो।
बैंकको खराब कर्जा ४.४५ प्रतिशतबाट सामान्य घटेर ४.२७ प्रतिशतमा सीमित भएको छ। बैंकको प्रतिशेयर आम्दानी २६ रुपैयाँ ३४ पैसा छ। यस अघि यस्तो आम्दानी २२ रूपैयाँ ९० पैसा थियो। बैंकको प्रतिशेयर नेटवर्थ २३५ रुपैयाँ ५८ पैसा छ।
-1754812957.jpeg)
-1746009348.jpg)
