कोरोना भाइरसको संक्रमणले विश्व नै प्रभावित भएको यस समयमा आफ्ना ग्राहकहरुको सुरक्षालाई ध्यानमा राखी सानिमा बैंकले घरैबाट सजिलै कारोबार गर्न सकिने गरी डिजिटल च्यानलहरु मार्फत् सेवा प्रदान गर्दै आएको छ।
उक्त केही डिजिटल च्यानलहरु प्रयोग गरी सुरक्षित रुपमा वित्तीय कारोबार गर्न सकिनेछ।
अनलाईन खाता खोल्न सकिनेः सानिमा बैंकको ग्राहकमैत्री प्ल्याटफर्ममार्फत् घरबाटै आफैं खाता खोल्न सकिन्छ। जहाँ आवश्यक कागजातहरु जस्तै केवाईसी फर्म, नागरिकताको प्रतिलिपि, फोटो आदि अपलोड गर्न सकिने सुविधा रहेको छ।
यसरी खाता खोली सकेपछि आफ्नो ईमेलमा खाता नम्बर प्राप्त हुनेछ।
आफ्नो आधिकारिक हस्ताक्षर र कागजात प्रमाणीकरणका लागि भने बैंकको शाखा एकपटक पुग्नुपर्ने हुन्छ।
तपाईंको आवश्यकताअनुसार बैंकमा सम्पर्क गरी बैंकका प्रतिनिधिमार्फत् घरमै यो सेवा उपलब्ध हुनेछ। सन् २०१६ देखि शुरु भएको यो सेवामा ग्राहकहरुको उत्साहजनक सहभागिताका कारण ग्राहक रिभ्युमा ५ मा ४.३ प्राप्त गरेको बैंकको भनाइ छ।
अनलाईन मुद्दती खाता- बैंकका लामो समयसम्म बचत खातामा रहेको रकमबाट अधिकतम ब्याज प्राप्त गर्नको लागि अनलाईनबाटै आफ्नो बचत खाताको रकम मुद्दती खातामा ट्रान्सफर गर्न सकिन्छ। सानिमा बैंककोे मोबाइल बैंकिङ्ग एप सानिमा सजिलो ई बैंकिङ्गमा गई केही सरल प्रक्रियाबाट तुरुन्त मुद्दती खाता खोल्न सकिन्छ।
सानिमा बैंकको वेभसाइट मार्फत् सानिमाबैंक डट कम/फिक्स्ड डिपोजिट- इन्ट्रेष्ट-क्यालकुलेटरमा लगइन गरी मुद्दती खाता खोल्न सकिन्छ। र बैंकको मोबाइल बैंकिङ्ग एपमा गई एप्स लगइनमा फिक्स्ड डिपोजिट क्लिक गरी मोबाइलबाट पनि मुद्दती खाता खोल्न सकिन्छ।
एटीएमबाट निःशुल्क पैसा झिक्न सकिनेः सानिमा बैंकको भिजा डेबिट कार्डबाट अन्य कुनै पनि बैंकको एटीएम काउन्टरबाट निःशुल्क रकम झिक्न सकिन्छ।
अनलाईनबाट भिसा डेबिट कार्ड रिक्वेस्टः सानिमा बैंकको वेभसाइट लगइन गरी बैंकका ग्राहकहरुले घरैबाट डेबिट कार्डको रिक्वेस्ट पठाउन सक्नुहुनेछ। जसको लागि सानिमा बैंक डट कम लगइन गर्नुपर्नेछ।
साथै मोबाइल बैंकिङ्ग एप सानिमा सजिलो ई बैंकिङ्ग लगईन गरी रिक्वेस्टमा कार्ड रिक्वेस्ट गरी डेबिट कार्डको रिक्वेस्ट गर्न सकिन्छ।
विभिन्न मर्चेन्टहरुसँग सहकार्यः हस्पिटल, अनलाइन सेवाप्रदायक, रेष्टुरेन्ट तथा मार्टहरुसँगको सहकार्यमा सानिमा बैंकको डेबिट कार्ड प्रयोगकर्ताहरुलाई विशेष छुटमा घरमै खाद्यान्न, अत्यावश्यक दैनिक उपभोग्य वस्तुहरु उपलब्ध हुने व्यवस्था मिलाएको छ।
यसैगरी डा. साथी, ई फार्मेसी जस्तो फार्मेसीबाट अनलाइन अडर गरी विशेष छुटमा प्रेसकिप्सनअनुसार औषधिहरु पनि घरमै डेलिभरी हुनेछ।
सातै दिन कल सेन्टर सुविधाः ग्राहकको डिजिटल/अनलाइन कारोबार सम्बन्धि समस्याको हलका लागि बैंकका कल सेन्टर प्रतिनिधिहरु लकडाउनको समयमा पनि हप्ताको सातै दिन २४सै घण्टा उपलब्ध हुनेछन्।
यसका साथै सानिमा बैंकको मोबाइल बैंकिङ्ग एप सानिमा सजिलो ई बैंकिङ्ग र बैंकको वेभसाइटमा गई कारोबारको क्रममा आएका समस्या वा बैंकका विभिन्न सेवाहरुबारे जिज्ञासाको समाधान प्राप्त गर्न सकिन्छ।
बैंकको वेभसाइटमा गई वा लिंक प्रयोग गरी मोबाइल बैंकिङ्ग एपबाट आफ्ना समस्या तथा जिज्ञासा राख्नको लागि मोबाइल बैंकिङ्ग एप लगइन गरी डिजिटल बैकिङ इन्क्युरीमा गई समस्या तथा जिज्ञासा राखेमा बैंकका प्रतिनिधिले सम्पर्क गरी समस्या समाधान गर्नेछन्।
घरैबाट व्यावसायिक भुक्तानीः यसका साथै बैंकको मोबाइल बैंकिङ्ग एप प्रयोग गरी बिजुली, खानेपानी, केबल टिभी, डिटिएचको विल भुक्तानी, मोबाइल रिचार्ज, फण्ड ट्रान्सफर पनि तुरुन्त गर्न सकिनेछ।
यसरी अत्यावश्यक अधिकांश वित्तीय कारोबार घरबाटै सुरक्षित रुपमा गर्न सकिने हुँदा आफ्ना ग्राहकहरु सम्भावित जोखिमबाट सुरक्षित रहन सकिने बैंकले जनाएको छ।
