हिमालयन बैंकले लाभांशको स्वीकृति पाएन


हिमालयन बैंकले नेपाल राष्ट्र बैंकबाट अझै लाभांशको स्वीकृति पाउन सकेको छैन।

पुसको अन्तिम साता साधारणसभा सम्पन्न भई लाभांश स्वीकृत भएको थियो। नेपाल राष्ट्र बैंकले लाभांश स्वीकृत नगर्दा लगानीकर्ता समस्यामा परेका छन्।

नेपाल राष्ट्र बैंकको केही प्रावधान बैंकले पालना नगर्दा स्वीकृति नपाएको स्रोतले जनाएको छ। स्रोतका अनुसार संस्थापक वा साधारण समूहकामध्ये जुनै पक्षबाट पनि अध्यक्ष बन्न पाउने व्यवस्थालाई बैंकले अवलम्वन गर्न नसकेकाले लाभांश स्वीकृत नभएको हो।

‘बैंकको नियमावलीअनुसार संस्थापक समूहबाट निर्वाचित संचालक मात्रै अध्यक्ष बन्न पाउने व्यवस्था छ’ स्रोतले भन्यो ‘हाल जुनै समूहबाट निर्वाचित भए पनि अध्यक्ष बन्न पाउने व्यवस्था भए पनि बैंकले अनेक कारण देखाउँदै त्यसमा संशोधन गर्न चाहेको छैन।’

लामो समयदेखि बैंकमा राज गरिरहेका केही पक्षले यस्तो अड्चन ल्याएको स्रोतको दावी छ।

Share:

© 2017 Setopati Sanchar Pvt. Ltd.