जनता बैंक र बुम रेमिट्यान्स बीच जनता रेमिट सम्झौता


जनता बैंकले आफ्नो “जनता रेमिट” को मुख्य एजेन्ट भई काम गर्न बुम रेमिट्यान्स लाई नियुक्त गरेको छ।

जनता बैंकको तर्फबाट प्रमुख कार्यकारी अधिकृत परसुराम कुँवर क्षेत्रीेले र बुम रेमिट्यान्सको तर्फबाट प्रबन्ध निर्देशक धिरेन्द्र पन्तले सम्झौतामा हस्तक्षर गरे।

सम्झौता बमोजिम “जनता रेमिट” मार्फत पठाएको रकम बुम रेमिट्यान्सले आफ्नो एजेन्ट र शाखाहरु मार्फत भुक्तानी गर्ने बैंकले जनाएको छ।

यसका साथै बुम रेमिट् मार्फत नेपालीले विदेशबाट पठाएको रकम जनता बैंकले आफ्नो एजेन्ट र शाखाहरु मार्फत भुक्तानी गर्ने जनाएको छ।

हाल बुम रेमिट्यान्सले खाडि मुलूकहरू र हङ्गकङ्गबाट रेमिट्यान्सको कारोवार गर्दै आएको बताएको छ र यसले चाँडै नै मलेसिया, कोरिया, जापान, क्यानडा, अस्ट्रेलिया, युरोप, ईजरायल, भारत र अमेरिकाबाट समेत कारोवार शुरु गर्ने जनाएको छ।

Share:

© 2017 Setopati Sanchar Pvt. Ltd.