एनआईसी एशिया बैंकले मुद्दती खातामा “अग्रिम भुक्तानि” दिने


एनआईसी एशिया बैंकले “अग्रिम ब्याज भुक्तानी मुद्दती खाता” संञ्चालनमा ल्याएको छ।

यस योजना अन्तरगत, ग्राहकले कुनै पनि रकमको मुद्दती खाता खोली, खाता खोलेकै दिनमा ११ प्रतिशतको वार्षिक ब्याजका दरले हुन आउने ब्याजको अग्रीम भुक्तानी आफ्नो एनआईसी एशिया बैंकमा रहेकोे कुनै पनि बचत खातामा भुक्तानी पाउन सक्ने बैंकले जनाएको छ।

यस मुद्दती योजना अन्तरगत, मुद्दती खाता ३ महिना, ६ महिना, ९ महिना अथवा १२ महिनाको लागि खोलेपनि सम्बन्धित अवधिका लागि ११ प्रतिशतका दरले अग्रिम ब्याज भुक्तानि गर्ने बैंकले जनाएको छ।

बैंकका अनुसार व्यक्तिगत र संस्थापक दुवै निक्षेपकर्ताले खोल्न सक्ने यो मुद्दती योजनामा चाहेको बेलामा जम्मा गरेको रकमको ८० प्रतिशत सम्मको कर्जा उपभोग समेत गर्न सक्नेछन्। साथै यो मुद्दती खाता खोल्ने ग्राहकहरुको ५ लाख रुपैयाँ सम्मको दुर्घटना बीमा पनि बैंकले नै गरिदिने छ।

बैंकले १८५ शाखा, १८८ एटिएम, ४ वटा एक्स्टेन्सन काउन्टर, ३ वटा ब्रान्चलेस बैंकिङ्ग युनिट र कुल ५ हजार भन्दा बढि रेमिट्यान्स पेमेन्ट एजेन्ट मार्फत सेवा दिइरहेको जनाएको छ।

बैंकले वासलातको आकार १४८ अर्ब रुपैयाँ भन्दा बढि पुगेको जनाएको छ। बैंकका अनुसार कुल कर्जा करिब १०४ अर्ब रुपैयाँ र कुल निक्षेप करिब १२४ अर्ब रुपैयाँ पुगेको छ।

Share:

© 2017 Setopati Sanchar Pvt. Ltd.